Jackie Brown

Jackie Brown
Ficha técnica
Título orixinal	Jackie Brown
Director	Quentin Tarantino
Produtor	Lawrence Bender
Guión	Quentin Tarantino
Baseado en	Rum Punch de Elmore Leonard
Intérpretes	Pam Grier Samuel L. Jackson Robert Forster Bridget Fonda Michael Keaton Robert De Niro
Fotografía	Guillermo Navarro
Montaxe	Sally Menke
Estudio	A Band Apart Mighty Mighty Afrodite Productions Lawrence Bender Productions
Distribuidora	Miramax Films
Estrea	Ziegfeld Theatre: 8 de decembro de 1997 25 de decembro de 1997
Duración	154 minutos
Orixe	Estados Unidos
Xénero	Crime
Orzamento	12 millóns de dólares
Recadación	74,7 millóns de dólares
Na rede
http://www.miramax.com/movie/jackie-brown

Jackie Brown é un filme estadounidense de 1997, escrito e dirixido por Quentin Tarantino. Está protagonizado por Pam Grier, Robert Forster, Robert De Niro, Samuel L. Jackson, Bridget Fonda, e Michael Keaton. Foi o terceiro filme de Tarantino despois do seu éxito con Reservoir Dogs (1992) e Pulp Fiction (1994).

Este filme está considerada como o filme de Blaxploitation de Tarantino, ao igual que Reservoir Dogs é o seu filme de atracos, Pulp Fiction a de cine negro, e Kill Bill a de artes marciais.

O filme foi moi criticada por algúns seguidores de Tarantino, xa que é un estilo moi diferente as súas dúas anteriores obras; esta conta unha historia non tan violenta, ten unha narración máis clásica e relaxada e o sangue non é tan abundante. Porén, foi ben recibida pola crítica especializada.

Está baseada na novela Rum Punch de Elmore Leonard. Tarantino extraeu os diálogos do libro case iguais (outra razón do desgusto dos seus fans: os diálogos teñen diferente estrutura).

Sinopse

Jackie Brown (Pam Grier) é unha azafata de voo que, necesitada de diñeiro, fai de correo para Ordell (Samuel L. Jackson), un traficante de armas buscado pola policía. Todo parece ir ben, ata que un día é sorprendida na aduana e acusada de tráfico de drogas e evasión. Para evitar ingresar en prisión, a policía só deixa a Jackie unha saída: axudalos a chegar ata Ordell.

Elenco de actores

Conta con varios actores fetiches tarantinianos. Un deles é Samuel L. Jackson. O director rescata a Pam Grier e a Robert Forster, actores que alcanzaron a súa máxima gloria en filmes dos 70. En realidade, Pam Grier chegou a ser unha estrela dos filmes de serie B da Blaxploitation (100% protagonizados por xente negra), que tanto éxito tiveron na América dos anos 70 e 80, e que Tarantino homenaxea neste filme.

No resto dos papeis, están Robert De Niro como un ex-convicto moi esgotado e de moi poucas palabras; Bridget Fonda como unha das mozas de Ordell; e Michael Keaton como Ray Nicolette, o policía que vai tras de Ordell.

• Pam Grier como Jackie Brown
• Samuel L. Jackson como Ordell Robbie
• Robert Forster como Max Cherry
• Bridget Fonda como Melanie Ralston
• Michael Keaton como ATF Agent Ray Nicolette
• Robert De Niro como Louis Gara
• Michael Bowen como LAPD Detective Mark Dargus
• Chris Tucker como Beaumont Livingston
• LisaGay Hamilton como Sheronda
• Tommy "Tiny" Lister Jr. como Winston
• Hattie Winston como Simone Hawkins
• Sid Haig como Xuíz
• Aimee Graham como Amy
• Gillian Iliana Waters como Mossberg 500 Tammy Jo
• Denise Crosby como Public Defender
• Quentin Tarantino como Voice On Answering Machine
• Danny DeVito como The Man Getting His Bag

Véxase tamén

Ligazóns externas

• Jackie Brown na IMDb (en inglés).
• Ficha en AllMovie (en inglés)
• Ficha en BoxOfficeMojo (en inglés)
• Ficha en RottenTomatoes (en inglés)
• Ficha en Metacritic (en inglés)